- Det er surt å tape. Vi gjer det vi vart einige om på førehand, men det blir for tøft når vi kjem under, seier Nilsen over telefon etter kampstart.I ei noko keisam affære på Aspmyra Stadion måtte Hødd gi tapt 1-0 for Bodø/Glimt. - Ein vanskeleg bortekamp. Vi prøvar å bryte ned spelet deira og gjere det vi vart einige om før kampen, men dei er kyniske, og når vi får eit mål i mot vert det vanskeleg, seier Nilsen etter kampslutt.Han meinte det var mykje positivt å ta vidare etter kampen trass tapet, og understrekar at ein må vere realistisk rundt dei tøffaste bortekampane.- Det er ein av dei aller vanskelegaste bortekampane denne sesongen, og vi var ikkje mykje dårlegare enn dei, men vi må vere realistiske. Ein kan ikkje forvente å knuse all motstand heile sesongen, seier Nilsen.Hødd fekk ikkje gjort mykje med eit kompakt Glimt-forsvar og mykje takka vere in god Andreas Lie i Hødd-målet vart ikkje tapet større. Kampens einaste scoring kunne han derimot gjort noko med.Etter om lag halvspelt første omgang makta han ikkje å halde eit relativt ufarleg langskot frå Glimt sin Jim Johansen. Abdurahim Laajab stod klar på returen og fekk krangla inn 1-0. Fortent etter at heimelaget starta best. Det gjorde at Hødd måtte auke risikoen og satse meir framover, utan at det gav særleg med avkasting. - Vi må opp og ta sjansar, noko som held liv og nerve i kampen, men dei blei hakket for sterke for oss, seier Nilsen.Utover i andre omgang var det i stor grad Glimt som stod for underhaldninga, men Andreas Lie vakta Hødd-buret med bravur og hindra større siffer. Hødd-trenar Lars Arne Nilsen starta annleis enn vanleg med trioen Heltne, Ertsås, Helland på topp. Denne oppstillinga vart vraka etter ein drøy time til fordel for Standal, Magnussen og Sandal. Slik må det vere med eit tøft kampprogram.- Med fire kampar på elleve dagar må vi berre rokkere litt av og til, det er ikkje så mykje meir bak enn det, og eg synest det funka greit, forklarer Nilsen.- Etterkvart prøvar vi å få inn litt friske bein og skape meir fart framover. Vi var nære, men Bodø/Glimt er eit vanskeleg lag å slå, held han fram.Etter desse kom inn blei det litt meir fart framover, men diverre for Hødd fekk dei aldri redusert og det andre bortetapet denne sesongen var eit faktum. Hødd er no nede på ein sjetteplass på tabellen. Neste runde ventar serieleiar Ranheim på heimebane. - Vi er med i toppen enno, og det er kjekt. I morgon får vi dette tapet ut av hovudet og så er vi klare til toppkamp 16. mai, avsluttar Nilsen.