Dramatikken i 5.-divisjon vart ikkje avslutta berre fordi siste serierunde var ferdigspelt. To veker etter dei siste kampane i divisjonen er det klart at det blir Stordal som slår følgje med Sæbø og Tjørvåg ned til 6.-divisjon.

Men slik var ikkje ståa i divisjonen etter siste serierunde. Stordal ville nemleg sikre plassen om dei slo Åram/VanKam på heimebane. Til slutt stod det heile 5-1 til Stordal, og dermed var det Åram/VanKam som var klare for 6.-divisjon.

Det heile vart likevel meir dramatisk då bortelaget la inn protest mot at ein av spelarane på dommarkortet stod oppført med tre gule kort. Ifølgje Smp.no svara Stordal med at ein annan spelar hadde nytta spelaren si drakt, og at han derfor feilaktig var oppført med tre gule.

Sunnmøre Fotballkrets var første instans som handsama klagen. SFK gav Stordal medhald, men etter Åram/VanKam beslutta å ta saka vidare til NFF sitt ankeutval. Der var det laget frå Vanylven som fekk medhald, og sidan denne avgjersla ikkje kan ankast er det klart at Åram/VanKam blir tilkjent ein 3-0 siger og dermed endar på 8.-plass i 5.-divisjon. Stodal hamnar i staden på ein 11. plass og rykker ned.

NFFs ankeutvalg har tatt ÅVKs anke tilfølge. Dermed rykker Stordal ned fra 5.div.