Amalie Brandal Kragset fekk i helga sin første kamp frå start for Åsane i 1.-divisjon fotball for kvinner, då laget spelte 2-2 borte mot Byåsen. Keeperen spelte i Hødd også i dei første haustkampane denne sesongen, men har flytta til Bergen, og etter kampen mot Volda vart Brandal Kragset klar for Åsane.

Keeperen fekk sine første minutt for sitt nye lag då ho kom inn på slutten av den førre serierunden, men mot Byåsen var ho med frå start.

Det var også Ragnhild Ertesvåg, også ho tidlegare Hødd-spelar. Ertesvåg utlikna til 2-2 etter 52 minutt.

Åsane ligg på ein 4.-plass i 1.-divisjon, og med ei serierunde igjen av sesongen kan laget ta 3.-plassen. Men då må Åsane ta eitt poeng meir enn Kongsvinger i siste runde.