Kristiansund BK: Conny Månsson - Dan Peter Ulvestad, Tor Erik Torske, Espen Næss Lund, Aliou Coly - Daniel Berg, Sverre Økland, Amidou Diop, Kamer Qaka - Karamoko Daouda Bamba, Jean Alassane Mendy
Benk: Alexander Hovdevik, Joakim Bjerkås, Seydou Bocar Seck, Liridon Kalludra, Jonas Kippersund Rønningen, Sondre Sørli, Rozhat Shaswari
Hødd: Jan-Lennart Urke - Eirik Skaasheim, Hugues Wembangomo, Joakim Wrele, Christoffer Aasbak - Torbjørn Kallevåg, Fredrik Sjølstad, Øystein Vestvatn, Eirik Ulland Andersen - Magnus Myklebust, Joachim Magnussen
Benk: Sivert Pieroth, Steffen Moltu, Didrik Sereba, Robin Shroot, Bendik Torset, Martin Mork Breivik, Sondre Beite.
Hødd gjer to endringar frå 1-3 tapet mot Sandefjord. Øystein Vestvatn er tilbake på Hødd-midtbana og erstattar Bendik Torset. På topp får Joachim Magnussen sjansen i staden for Robin Shroot. Magnussen scora med sitt første touch på ballen då han kom inn mot Sandefjord.
Hødd gjekk tøft ut frå start mot Kristiansund, og pressa heimelaget hardt inn på eigen halvdel. Det førte til ei rekkje gunstige brot og til at KBK-forsvaret lenge trøbla med finne ro med ballen.
Hødd leverte også dei første sjansane i kampen. Nærast var Christoffer Aasbak som tvinga fram ei god redning på næraste stolpe etter ein god frisparkvariant.
Også Joachim Magnussen leverte eit godt forsøk, men ballen sklei litt av då han forsøkte ein volley frå 15 meter og gjekk eit lite stykke over mål.
KBK skapte nesten ingenting dei første 30-35 minutta, men fekk eit par avslutningar mot mål etter ein corner ti minutt før pause. Der hadde Urke bra kontoll.
Og kontroll hadde Hødd på det meste som skjedde i den første omgangen, men heller ikkje denne gongen vart det scoring før pause. KBK fekk til lite, og Hødd hadde lenge godt trykk mot heimelaget sitt mål, men det var for langt mellom dei store sjansane til Hødd.
Dermed gjekk laga til pause på stillinga 0-0. Magnus Myklebust måtte ut med det som såg ut til å vere ei kneskade like før pause.
Før kampen:
Det enda nemleg med 3-1 tap for Kristiansund i opningskampen borte mot Mjøndalen, men etter den tid er det KBK som har prestert best. Medan Mjøndalen berre har fått med seg ein siger på dei siste seks, står KBK med fem sigrar og ein uavgjort etter opningstapet.
Dermed er det berre Levanger som har betre form enn KBK (og Sandefjord).
Medan Hødd kjem frå eit 1-3 tap heime mot Sandefjord, har KBK vunne 3-1 i begge sine to siste. Sigrane kom heime mot Ranheim og borte mot Kongsvinger. KBK har også slått Raufoss, Fredrikstad og Jerv så langt denne sesongen.
Kristiansund sine fem siste:
Fredrikstad (b) 0-1 siger
Raufoss (h) 2-1 siger
KFUM Oslo (b) 0-0
Ranheim (h) 3-1 siger
Kongsvinger (b) 1-3 siger
Hødd står framleis med den eine sigeren, etter 2-0 heime mot Sandnes Ulf.
Hødd sine fem siste:
Levanger (b) 2-0 tap
Brattvåg (b) 1-0 tap
Sandnes Ulf (h) 2-0 siger
Strømmen (b) 2-1 tap
Sandefjord (h) 1-3 tap
Før kampen mot Kristiansund har Hødd scora åtte gongar på dei sju første kampane. KBK har 12 fulltreffarar på like mange kampar, og Hødd må finne ein måte å stoppe Daouda Karamoko Bamba på. Han har nemleg scora seks mål på sju kampar. Hødd har berre ein kamp utan baklengs, 2-0 sigeren mot Sandnes Ulf, og har totalt sleppt inn 12 mål på dei første sju. KBK har i underkant av eitt mål imot per kamp, og har seks baklengs på dei sju første.
I 2015 vart det tap i begge oppgjera mot KBK. Heime på nye Høddvoll låg alt til rette for Hødd-siger, men straffebom og ei kontroversiell scoring på overtid førte til at alle tre poenga blei med til Kristiansund.
Også på bortebane vart det eit unødvendig tap for Hødd. Etter å ha sleppt inn to enkle mål i den første omgangen, kom Hødd meir med i den andre, men reduseringa frå Eirik Ulland Andersen var ikkje nok og kampen enda 2-1.
Det vart også resultatet då Hødd og KBK møttest til treningskamp i Sparebanken Møre Arena tidlegare i år. Daniel Berg scora to gongar for KBK, medan Sondre Beite sette inn Hødd si scoring, i ein kamp der KBK lenge dominerte.
Kampstart mellom Kristiansund og Hødd er 18.00. Vi følgjer kampen.
