– Vi ønskte anten å få eit storlag eller eit lag vi har gode sjansar mot i denne runden. No fekk vi Molde, og det er heilt OK. Det blir ein kjempekamp med stinn brakk, seier Nilsen til Vikebladet Vestposten ein liten halvtime etter at oppsettet var klart.

Hødd-trenaren trur Molde satsar ekstra mykje på cupen denne sesongen.

– Dei har gjort det dårleg i serien, så cupen blir på ein måte deira halmstrå i år. Molde blir store favorittar mot oss, som alle andre Tippeliga-lag ville ha vore. Men vi går for siger. Vi veit det ikkje er lett å slå oss på Høddvoll, varslar Lars Arne Nilsen.

Til Romsdals budstikke seier Molde-trenar Ole Gunnar Solskjær dette om cuptrekninga:

– Dette er eit lokalopgjer som alltid gir tøffe kampar. Vi møter dei regjerande cupmeistrane, så det blir heilt sikkert fullt hus. Ein kamp vi gler oss til allereie.

Hødd–Molde blir spelt onsdag 29. mai.

Les også:

* Her er cupoppsettet

* Meir Hødd-stoff i tysdagens papirutgåve av Vikebladet Vestposten.

Molde-trenar Ole Gunnar Solskjær ser fram til NM-kampen på Høddvoll. Foto: EOT