Ranheim

har skaffa seg underskrifta til Geir Holthe frå Byåsen. Holthe var aktuell som Hødd-spelar i fjor. Han tok turen nedover til Sunnmøre og spelte ein kamp, men valde å bli i Byåsen. No er han altså med i Ranheim sitt ambisiøse mannskap. Ranheim har også fått tilbake backen Martin Lund frå Askøy. Lund kom frå Rosenborg til Ranheim i vårsesongen i fjor, men spelte haustsesongen for Askøy.

Strindheim

har notert seg for eit 0-2-tap for 3.-divisjonslaget Orkla. Men i helga vann laget Magnar Lundemos Mnnecup, ein cup med sjuarfotball (+ keeper). Dei slo Byåsen 5-3 i finalen. Strindheim har elles fått tilbake Mads Skjærvold, som har spelt for Kongsvinger det siste året.

Asker

melder om to tapte treningskampar: 0-5 for Tønsberg og 2-3 for Mjøndalen.

Averøykameratene

har gåande ei avstemning på nettsida si: Kven gjer det best av dei og Kristiansund i år? 50 prosent held på AK, 45 prosent på KBK.

Byåsen

har som nemnt tapt finalen i Magnar Lundemos Minnecup for Strindheim. I semifinalen slo dei Gimse 4-0 - og har altså også gitt frå seg Geir Holthe til Ranheim.

Nardo

tapte 2-4 for Strindheim i semifinalen i Magnar Lundemos Minnecup.

Kristiansund

har som dei fleste veit tapt 0-5 for Molde. Den kampen revansjerte dei seg for då dei slo 3.-div.-laget Sunndal med dei same sifra på Sunndal si kunstgrasbane. KBK har elles mista Arne Johan Ohr til divisjonskollega Bærum.

Levanger og Steinkjer

har møtt kvarandre i ein treningskamp på Guldbergaunet i Steinkjer. Levanger vann 7-4 over divisjonskollegaen. Kampen gjekk i høljande regnver - og vi merkar oss at Levanger sin toppskårar Vegard Sunde netta tre gonger.