30-åringen har erklært at han er komen til Lerkendal for å spele fast på laget - og han håper på Champions League-spel til hausten. Rosenborg betaler Tromsø 3,5 mill. kroner umiddelbart, men summen kan kome til å auke til 5 millionar ved sportsleg suksess. I følgje TV2 kjem haddølingen til å tene 2,5 millionar kroner i året. - Moldskred er ein meget spennande spelar som vil gjere oss endå betre offensivt. Eg ser han først og fremst som ein midtspiss, men også i tospann og som kantspelar kan han fungere, seier Rosenborg-trenar Erik Hamrén til nettavisa til Rosenborg. Morten Moldskred har tidlegare spelt for Haddal, Hødd, Moss, AaFK, Haugesund og Tromsø.
