Sist veke spelte Hødd-damene 1–1 heime mot Sunndal. I morgon (laurdag) ventar ny kamp mot same lag, no borte på Sande stadion. Hødd ligg på 5.-plass og har grei klarering både opp og nedover på tabellen, medan Sunndal ligg nest sist. Truleg er det berre jumbolaget som rykkjer ned til 3.-divisjon.
Sidan sist møte med Sunndal har også Hødd tapt 6–1 mot Byåsen. Ragnhild Ertesvåg har scora begge Hødd-måla etter sommarpausen og er lagets toppscorar med seks mål. Vilde Hasund har fire nettkjenningar.