Hødd-gutane fekk ei pangopning og leda heile 1–7 etter knappe ti minutt spel. Midsund fekk etter kvart samla seg, og reduserte nokre gongar. Venstrebacken til Midsund markerte seg raskt med sine langskot, og Hødd la om forsvaret til 5-1, med punktmarkering på storskyttaren til Midsund. Etter halvspelt førsteomgang leia framleis Hødd klart med 10–4. Midsund hadde raske kantspelarar og fekk kontra inn nokre kjappe reduseringar. Etter 30 min spel gjekk laga til pause med 13–17 leiing til Hødd.

Dommarane hadde lagt seg på ei tøff linje tidleg i kampen, noko som førte til at andre omgang utarta seg til å verte svært tøff og fysisk med nokre stygge situasjonar. Trass det tøffe spelet beheldt Hødd-gutane roa og spelte klokt. Gutane heldt det kollektive gode angrepsspelet i gang, og med eit godt forsvarsspel leia Hødd med 5 mål 12 min før slutt.

Misund fekk fart i kontringane sine og klarte på kort tid å utlikne på stillinga 25–25. Med 6 min igjen på tavla tok Hødd lagstimeout og Midsund var i leiinga med eit mål. Timeouten fekk samla gutane og dei beheldt roa og spelte klokt dei siste minutta. Ved full tid stod det 29–32 i Hødd favør.

Denne kampen viser at laget har stor handballkompetanse på alle speleplassar. Gutane er gode i forsvar og spelar tøft, men reint. Framoverspelet er kollektivt og dei spelar kvarandre gode. Ein svært sterk seier for Hødd i ein svært fartsfylt, tøff og ikkje minst underhaldande kamp.

Kampfakta

Midsund – Hødd (13–17) 29–32

Hødd: Espen Valø, Jon-Christian Ulvan, Ulrik Wingsternes (7), Hallgeir Rønning (6), Jose Jorge Garcia Agis, Ruben Slåttelid (2), Emil Storøy (3), Kristian Storvik (2), Stasys Galdikas (5), Daniel Nysæter (6), Tim Ole Bohm (1), Ola Zahl Longva

Ref IL Hødd Handball herrelag - Guri Margrethe Brevik