Dimna IL stilte med fem lag under Ørstastafetten som vart arrangert laurdag.
På 1000 meter stafett i klassa gutar 11-14 år var det Dimna som gjekk til topps med tida 2.45,87. På laget sprang Marius Anderson, Balder Kvalsund Mork, Kent Breivik og Jonas Ose.
Også i jenteklassa i same aldersgruppe var Dimna best, og her var det faktisk to Dimna-lag på dei to første plassane.
Birte Skeide Sætre, Malin Kristin Strandebø, Andrea Skaar Berg og Anna Kleven leverte beste tid med 2.55,05, medan Vilde Garshol, Malene Skaar Berg, Emilie Bjørndal Hasund og Camilla Svoren var hundredelet (!) bak på 2.55,06.
Også på fjerdeplass kom eit lag frå Dimna IL. Der var det Ramona Anderson, Synnøve Verås Grimstad, Rikke Rogne Stornes og Kornelia Roppen som sprang. Tida vart 3.02,54.
Dimna IL stilte også lag i blanda klasssa på 4x100 meter stafett, og også her var det dei grønkledde som stakk av med førsteplassen. Ramona Anderson, Birte Skeide Sætre, Åsmund Dimmen og Balder Kvalsund Mork sprang inn til 1.12,84 og bestetid.
Mange flotte prestasjonar frå Dimna-løparane.