Det var eit spesielt løp for Therese Falk under 100 kilometeren i NM i ultraløp som vart arrangert i Bergen denne helga.
Ho såg nemleg ut til å bryte løpet etter seks timar. Då hadde ho om lag 30 kilometer igjen av løpet.
Men ifølgje Kondis.no vart Falk jaga på beina av sambuaren, som fungerte som sekundant. Han kom springande rundt halve bana for å få ultraløparen tilbake i løpet.
Falk fullførte den siste biten av løpet og kom i mål på tida 9 timar, 25 minutt og 59 sekund. Det heldt til bronse for løparen som representerer Romerike Ultraløperklubb. Derfrå er også gullvinnar Guro Skjeggerud, som kom i mål på den imponerande tida 8:28:33. Den fjerde raskaste norske kvinna på distansen nokonsinne. Falk si tid er den 11. raskaste gjennom tidene.