Tippeligaen:
* Morten Moldskred utlikna på vakkert vis for Tromsø borte mot Sandnes Ulf i går, men Rogaland-laget kom tilbake og vann 2-1. Tromsø er vidare i Europa League, men slit i heimleg liga. Avstanden ned til kvalifiseringsplass er tre poeng.
* Ørjan Håskjold Nyland stod langt frå sin beste kamp i år, men Molde kom tilbake og vann 2-1 i Sogndal. Nyland og Molde er i likskap med Tromsø vidare i Europa League.
* Akeem Latifu kom inn etter 16 minutt då Aalesund vann 3-1 heime mot Sarpsborg 08.
* Resultata elles: Brann - Lillestrøm 1-1, Odd - Viking 1-1, Haugesund - Hønefoss 1-0, Strømsgodset - Rosenborg 2-2 (Pål André Helland unytta reserve), Vålerenga - Start 1-3.
Adeccoligaen:
* Magnus Myklebust reduserte til 3-1, men Kongsvinger tapte til slutt heile 5-1 borte mot Ranheim. Michael Karlsen var unytta reserve for trønderane.
* Oddbjørn Lie spelte som vanleg heile kampen då HamKam vann 1-0 heime mot Hødd. Tvillingbroren Andreas redda to straffer for Hødd.
* Follo spelte store delar av kampen med ti mann og tapte 4-0 borte mot Ull/Kisa. Christian Mork var unytta reserve for Follo. Tidlegare i veke var Mork på prøvespel med Drøbak/Frogn, som var interesserte i å hente hareidsdølen, men han enda opp med å halde fram i Follo.
* Kjell Rune Sellin spelte heile kampen då Sandefjord mista to poeng på overtid heime mot Elverum. Resultatet vart 2-2.
* Dei andre kampane: Bodø/Glimt - Bryne 5-3, Kristiansund - Mjøndalen 0-2, Strømmen - Stabæk 2-3. Fredrikstad - Vard Haugesund blir spelt i kveld.
* Merk: Sidan Kristiansund tapte har Hødd framleis berre fem poeng opp til direkte opprykk.