Trond Haugland, mångeårig venstreback og midtspiss på Hasundgots A-lag, har bestemt seg for å avslutte fotballkarrieren med umiddelbar verknad.

Avgjerlsa kom etter at Hasundgot tok sin første siger i 2013-sesongen mot Åheim sist onsdag, der han måtte forlate bana med ei strekkskade.

- På grunn av mange skadar har treninga blitt så oppstykka at eg ikkje kjem i den forma ein bør vere som fotballspelar. I tillegg så har eg blitt misbrukt på venstrebacken i det siste. For det er oppe på topp eg høyrer heime, seier fotballpensjonisten bestemt.

Mange klubbar

Årets sesong har vore svak frå Hasundgots side. Før sigeren mot Åheim onsdag kunne laget berre vise til tre mållause oppgjer mot Vigra, Hovdebygda og Sykkylven.

Sigeren mot Åheim vil difor stå som Hauglands siste Hasundgot-kamp for denne gongen, men ringreven har også spelt andre stadar i laupet av karrieren.

Han har mellom anna spelt for Flø og Åram/VanKam på Sunnmøre, i tillegg til Freidig frå Trondheim og Lokomotiv Oslo.

Hødd-tida var best

Men på toppen av alt ligg tida hans i Hødd.

- Dei kampane eg fekk for Hødds A-lag er nok utvilsamt høgdepunkta i karrieren. Også tida i "Loket" (Lokomotiv Oslo) var bra. Det var på den tida eg fekk fotballgleda tilbake, mimrar Haugland.

På den andre sida er det også nokre mindre gode minner som sit att i hugsen til 32-åringen.

- Den største nedturen var kanskje etter at eg hadde avtent militærtenesta. Då vart det litt for mange månadar utan særleg aktivitet, som påverka fotballforma. Eg kom vel aldri i form etter det, og det var i tillegg i ein alder av berre 19 år.

- Også missen i ein straffesparkkonkurranse på Norway Cup sit framleis hardt i, seier han med eit glimt i auget.

Comback om 20 år?

Sjølv om Haugland takkar for denne gongen er han forsiktig med å spå at karrieren er heilt slutt.

- Vel, ein skal aldri seie aldri. Audun Wingsternes gjorde vel comeback etter å ha fylt 50 år, så eg har framleis mange år på meg, smilar han.

PS: Meir om Hasundgots 4-0-siger mot Åheim kan du lese i laurdagens papiravis.