Molde Turnforening stod som arrangør av KM i Turn for kvinner og menn og Troppsgymnastikk 2.-3. mai 2009 i Moldehallen. Om lag 100 gymnastar frå klubbane Kristiansund, Molde, Elnesvågen, Hareid og Hødd deltok. Det vart ei kjekk helg med mykje aktivitet. Stemnet var godt organisert, og konkurransane heldt tidsskjemaet med god margin. Det vart vist mykje flott turn, og dei frammøtte fekk sjå mange gode prestasjonar. Hødd Turn stilte med to gymnastar i turnkonkurransen - og både Kristina og Marit Eiken Fosse tok gull. Hareid IL kom frå stemnet med tre bronsemedaljar: Una Thoresen (12 år), Helene Kvalsund (klasse jenter 1) og Elisabeth Kvalsund (jenter klasse 2). I tillegg deltok 9 oppvisningsgymnastar frå Hødd i alderen 7-10 år. Det er Randi Dimmen som i hovudsak har ansvaret for Hødd sine aspirantar. Hødd Turn konkurrerte også i troppsgymnastikk og deltok med ei juniortropp. Marit fikk beste karakter i alle apparat og oppnåde ein totalsum på 49,8 poeng, dette var også høgste poengsummen i konkurransen. På bakgrunn av gode prestasjoner både regionalt og nasjonalt vart Marit Eiken Fosse innkalla til samling for "Morgendagens gymnaster" i Trondheim av Norges Gymnastikk og Turnforbund. På samlinga, som går over 4 dagar, vil ho trene saman med dei beste gymnastane i landet i aldersgruppa 12-13 år. I troppsgymnastikk juniorklasse vart Hødd kretsmeistrar i tumbling og frittståande. I tillegg fekk klubben ei fin andreplassering i trampett. I troppsgymnastikk stilte Hødd eit lag på 6 personar. Hødd si tropp viste eit fint frittståande program, og det var andre gongen at dette vart framført i konkurransesamanheng. Troppa besto av Solveig Torgersen, Maria Holstad Dimmen, Henrikke Utgård Dimmen, Thea Birkeland, Kari Henriette Brandal og Frida Eliassen Kristiansen. .