Kasakhstanarane slo først ut armenske Gandzasar Kapan. Deretter vann dei totalt 2-1 mot Hødd i andre kvalifiseringsrunde.
Sist veke tok Aktobe seg vidare frå tredje runde ved å slå islandske Breidablik på straffesparkkonkurranse. Begge laga vann 1-0 på heimebane. Aktobe vann straffekonken 2-1 på Island.
Dermed er dei klare for den såkalla play off-runden, der dei får tøff motstand i Dynamo Kiev. Vinnarane frå denne runden går vidare til det gjæve puljespelet.
Av dei norske laga er Tromsø og Molde klare for play off-runden. Dei skal møte høvesvis tyrkiske Besiktas og russiske Rubin Kazan.