Kvalifiseringskampane til dei åtte plassane i juniorane sin 1.-divisjon til sommaren tok til i Sunnmørshallen i helga. Hareid skal kjempe med ÅFK, Rollon og Ravn om to ledige plassar. I Hareid sin første kamp vart det 2-0-siger over Rollon, og dermed vil mange meine at det meste er gjort. Kampen om den ledige plassen etter favoritten ÅFK står etter mange si meining nettopp mellom Hareid og Rollon. Hareid tok leiinga 1-0 i første omgang ved Fredrik Abrahamsen. I denne omgangen hadde også Rollon nokre gode sjansar. I 2. omgang vart det meir og meir Hareid. Robin Jackson Indreflø punkterte kampen med Hareid si andre skåring for dagen. I den andre gruppekampen vann ÅFK 6-0 over Ravn. I ei anna gruppe vann Volda jr. 1-0 over Bergsøy jr. Bergsøy prøvde å få flytta kampen fordi dei har mange spelarar ute på reise.