- Skal på skule klokka 08.25

Fredrik Aursnes vart heidra som norgesmeister nummer 1000 under cupfinalebanketten. Han lovar å stille på skule klokka 08.25 måndag.

Fredrik Aursnes (i midten) vart heidra som norgesmeister nummer 1000 under mottakinga ettercupfinalen. Her poserer han saman med keeper Ørjan Nyland (banens beste) og president Yngve Hallén i NFF. Foto: Joar Drønnesund

Det gjeld norgesmeistrar på herresida, og slik vi fostår det gjer alfabetet at nettopp Aursnes fekk denne æra.

Vi møtte ein stressa 16-åring like etter cupfinalebanketten på Ullevaal.

- Å bli norgesmeister er mest uverkeleg, men mest gøy. No er eg sliten, men det er også veldig gøy, smiler Aursnes.

- Kva skjer no?

- Eg skal setje meg på flyet og få meg noko mat.

- Korleis blir feiringa for ein "underårig"?

- Veldig roleg. Eg skal jo på skule klokka 08.25 måndag morgon. Heilt sikkert, varslar Fredrik Aursnes.

PS: Ifølgje Smp.no er Aursnes også den yngste som har vunne NM-gull på herresida nokon gong.