Per-Arve Moldskerd, som har oppsynet med byggearbeidet på vegner av Hødd, fortel at posjektet er forseinka med om lag ei veke. Men finnane er driftige folk og har tenkt å stå veldig på i tida framover. Det er ei klar målsetjing å hente inn den tapte veka. Alt komande onsdag kjem ei kran og reiser konstruksjonen. Moldskred fortel at det er eit smart ledd-system som gjer at dei kan montere alle dei berande komponentane i bakkehøgde. Når dette er gjort, blir reisverket løfta. Leddsystemet gjer at dette skal vere ei grei sak. Når reisverket er på plass, er det dukensin tur. Då må arbeidarane ha stilt ver. Deretter kjem elektrikarane og andre. Og til slutt blir graset lagt på. - Vi reknar no med at hallen skal stå ferdig til bruk ein gong i slutten av mars, seier Moldskred. Den første turneringa i hallen blir Kleven Cup for dei yngste 21. april. Då blir både Ulsmohallen og kunstgasbana nytta til avvikling av kampane.