Då speakertenesta opplyste at Molde skåra 1-1-målet fem og eit halvt minutt på overtid under onsdagens kamp mot Molde, vekte dette engasjement blant nokre av lesarane til Vikebladet Vestposten etter kampen.

– Både eg og mange rundt meg på tribunen vart frustrerte, sidan det berre var lagt til fire minutt i utgangspunktet. Om kvelden las eg at målet kom nesten nøyaktig fire minutt på overtid. Då må eg nesten stille spørsmålsteikn ved speakertenesta, spør ein lesar som har gått på Hødd-kamp i mange år.

- Sagt i beste meining

Torsdag føremiddag var Vikebladet Vestposten i kontakt med speaker Magne Johnny Krumsvik, som kunne fortelje at han handla i god tru.

- Eg starta klokka mi i speakerboda i det klokka passerte 90 minutt og følgde også med på nettsida til Vikebladet Vestposten for å få med alle detaljane.

- Om klokka mi viser feil eller ikkje er eg ikkje heilt sikker på, men det eg sa var i alle fall sagt i beste meining, slår Krumsvik fast.

Speakeren legg også til at han i det minste er nokså sikker på at tida viste meir enn det dommaren hadde lagt til.