Tilsetjingsprosessen for ny rådmann i Hareid etter Bent Arild Grytten er inne i avsluttande fase.
– Den første intervjurunda av søkjarane er unnagjort, opplyste ordførar Anders Riise (H) i Hareid formannskap måndag.
Innstiling 28. april
Så skal intervjurunde 2 og tilhøyrande referansesjekk på plass innan kort tid slik at tilsetjingsutvalet skal ha klar si innstilling til kommunestyremøtet 28. april.
Som tidlegare skrive har kommunen leigt inn konsulentar til å finsikte kandidatane.Tilsaman åtte personar har søkt på stillinga.
Dei er:
Tom Haarsaker, (50), arbeidande styreformann, deltid Trondheim.
Ragnhild Velsvik Berge, (56), pleie- og omsorgsleiar Herøy.
Per Ivar Lied, (46), rådgjevar Ørsta.Bent Mathisen, (42), arbeidsledig Bærum.
Berit Aasen, (45), kommunalsjef Herøy.
Rune Dalsbø, (45), CFO, økonomisjef/NK Ålesund.
Sturla Hess Brunvær, (53), administrasjonssjef Ålesund.
I tillegg ønskjer ein søkjar å vere anonym.