Godversdagar ser ein ofte bilar stå parkert på Gåsneset. No vil Ulstein kommune opparbeide ein parkeringsplass på austsida av fylkesvegen. Parkeringsplassen blir plassert om lag der turvegen mot Flø og råsa til Roppehornet startar, og der det er plassert ut opplysningstavle om kulturminna i området. Grunneigarlaget har akseptert ei kartskisse som syner ein parkeringsplass for 15 bilar.
Området er regulert til LNF, men teknisk utval gav samrøystes dispensasjon, då dei meiner det er viktigare å leggje til rette for turaktivitet. Dessutan vil den nye parkeringsplassen auke trafikktryggleiken.