Den rutinerte keeperen Vagn Scheide Mork har meldt overgang til Stryn, melder Hareid-fotballen si nettside.
Stryn har ikkje keeper per dato, og Mork blir derfor henta inn for å stå kampen mot Spjelkavik onsdag (i morgon). 1. august blir han tilbakeført til Hareid IL, klubben Mork har spelt 429 a-kampar for og har fleire verv i.
Tidlegare har Vagn Scheide Mork mellom anna vore keeper for Hødd og Molde.
Som motyting for velviljen kjem Stryn og spelar treningskamp på Hareid til vinteren. Hareid har pause frå obligatoriske kampar fram til 14. august.