I ei pressemelding tysdag formiddag kjem det fram at Ulstein Verft avsluttar all produksjon ved avdelinga i Vanylven kommune. Grunnen til det er at kostnaden med å oppretthalde produksjonen her er alt for stor.
Ulstein melder samstundes om at alle dei 28 medarbeidarane ved avdelinga får tilbod om jobb i Ulsteinvik. I Ulsteinvik vil dei i så tilfelle bli del av ein stab som i dag tel om lag 400 personar.