Ifølgje Møre-Nytt har talet på trafikkantar gjennom Eiksundsambandet auka ein heil del etter at samferdselsminister Ketil Solvik-Olsen var på Sørheim for å fjerne bompengeinnkrevinga ved Eiksundtunnelen.
Tal for juni frå Statens vegvesen syner at trafikken auka med om lag 350 køyretøy i døgnet samanlikna med mai, frå 2.530 køyretøy i døgnet i mai, til 2.884.
Møre-Nytt skriv at det er om lag like stor månadsdøgntrafikk i juni begge vegar, med 1.451 bilar utover mot ytre og 1.433 inn til Ørsta/Volda.