Volda er i vinden om dagen. I går kveld rykte dei opp til 3.-divisjon. Og ei oppteljing fredag morgon viser at alle dei tre Volda-kandidatane til Søre-laget som skal møte Hødd 12. oktober er blant dei 11 med flest røyster (i ein 4-3-3-formasjon); Petter Aasen, Tom Malins og Rasmus Aarflot. Kapteinen Aarflot er også den som har flest røyster av alle. 53 % (det vil seie 405 personar) har røysta på han.
Også LGFK har inne tre spelarar blant dei 11 med flest røyster. Hareid og Ørsta har to.
Totalt 765 personar hadde røysta fredag morgon. Om vi skulle laga ein 11-ar med dei frå kvar lagdel som ligg best an per fredag morgon ser han slik ut:
Keeper:
* Petter Aasen, Volda (39 %)
Forsvar:
* Rasmus Aarflot, Volda (53 %)
* Eiliv-Tore Howlid, Hareid (40 %)
* Eskild Dagfinrud, Ørsta (35 %)
* Jogeir Haanes, Moltustranda/Gjerdsvika (35 %)
Midtbane:
* Johnny Moltubakk, Larsnes/Gursken (44 %)
* Aleksander Rekdal, Larsnes/Gursken (42 %)
* Tom Malins, Volda (35 %)
Angrep:
* Anders Vaagen, Larsnes/Gursken (48 %)
* Ola Kalvø Vattøy, Hareid (38 %)
* Frank Sverre Skorpen, Bergsøy (33 %)
Men hugs at det skal med 18 spelarar i den endelege troppen (det er svært jamt om plassane i fleire posisjonar).
Og at røystfristen går ikkje ut før måndag 6. oktober.