Tradisjonen tru er det også i år gudsteneste på Melshornet 2. pinsedag.
Trimgruppa i Hjørungavåg IL fortel at dersom du skal ta del på gudstensta, så har du høve til å velje mellom ei rekkje alternative råser. Nytt av året er at alle råsene er godt skilta og merka så du vil finne lett fram. Det er dessutan det sett opp infotavler ved oppgangen frå Ulset og Pilskog. Tavlene har kart og luftbilde over alle råsene og ymse informasjon om løypeval og kulturminne. Alt dette kan ein også laste ned ved hjelp av QR-koder.
I følge ei oversikt trimgruppa har sendt til avisa er følgjande alternativ eigna til å kome seg til topps:
Overå - Melshornet
Her er start og nedkomst i Kaldalen vest for steinbrotet på Overå. Turen går om Ovranakken. Parkering i steinbrotet.
Pilskog - Melshornet
Start og nedkomst i Pilskogvegen aust for tidlegare Pilskogbutikken. Her kan ein velje å gå om Grøthornet med innlagt natursti for barna, eller om Sætreskaret. Lengda er lik for begge løypene. Parkering er bak buss-skuret ved Pilskogvegen.
Skulen - Melshornet
Start og nedkomst er ved Torsenvegen aust for skulen. Denne turen går om Bryggjene og Grøthornet. Parkering ved skulen.
Øvrelid - Melshornet
Start og nedkomst finn du ved skogsvegen til Hans Otto Øvrelid, omtrent 300 meter vest for vegkrysset mot Alme. Denne løypa er noko bratt og høver best for vaksne. Nokre parkeringsplassar ved oppstart av skogsvegen.
Ulset - Melshornet
Start og nedkomst ved kufjøset. Trimgruppa ber alle fylgje tilvisinga frå parkeringsvaktene.
Hjørungåg IL, Trimgruppa ynskjer alle velkomne til det nye løypenettet. Du kan også finne tilsvarande merking frå Korshamna og Engeskaret.
- God tur til alle og bruk naturvit langs ferdselsvegane, oppmodar Trimgruppa.