Til Herøy Komikaren Truls Svendsen skal spele Heilag-Olav i ei alternativ utgåve av Herøyspelet.
(Foto: TV2)

Til Herøy Komikaren Truls Svendsen skal spele Heilag-Olav i ei alternativ utgåve av Herøyspelet. Foto: TV2

Kong Truls til Herøyspelet

- og DU kan få vere med

Leiinga i Herøyspelet inviterer no alle til å bli med som statistar, frivillige og publikum i samband med det ein trygt kan kalle ei spesialutgåve av det tradisjonsrike spelet.

13. april kjem TV2 til Herøy for å gjere innslag til ein ny programserie. Komikaren Truls Svendsen held på å lage ein ny fjernsynsserie, og i samband med dette skal han mellom anna prøve seg på rolla som Olav den Heilage i Herøyspelet "Kongens Ring".

– Han vil ikkje få lang tid på å sette seg inn i rolla, så dette kan bli morosamt, smiler dagleg leiari Herøyspelet, John André Nærø.

Leiinga i Herøyspelet trur det kan verte ein artig variant av det etter kvart så tradisjonsrike spelet.

– Spanande

– Dette vert ein spanande dag. Det vert fjernsynsopptak, Herøyspel, god humor, underhaldning, sal av mat og Herøyspel-effektar, mykje folk og stor stemning, trur ein entusiastisk Nærø.

Nærø fortel at dei treng både statistar, frivillige og publikum.

– Dette vert ein fantastisk dag med aktivitetar for heile familien. Unge, gamle, store og små er hjarteleg velkomne til Herøy Gard denne dagen. Det vert aktivitetar for born, kunnskapskonkurranse om Herøyspelet og mykje anna, lokkar Nærø, og legg til at han håper flest mogleg vil få med seg denne spesielle opplevinga.

– Det er sjølvsagt gratis å delta som publikum, påpeikar han og legg til at det hadde vore kjempeflott om dei greier å fylle amfiet.

– Målet vårt er å skape den same stemninga og folkelivet som ein ser om sommaren, seier Nærø.

Når det gjeld skodespelarar og statistar, vil leiinga denne gongen helst ha folk som har vore med i Herøyspelet tidlegare. Det vert nemleg ikkje så mykje tid til å øve.

Treng frivillige

Om sommaren har Herøyspelet bruk for mange frivillige, og slik er det også denne dagen.

– Vi treng frivillige av alle slag, til dømes til matsal, effektsal og kjøkenteneste. Vi treng også folk som kan hjelpe til med parkering og transport og nokre som kan ta seg av dei ulike aktivitetane. Vi er veldig takksame for alle som kan stille opp, seier Nærø, og oppmodar alle interesserte om å ta kontakt.

Den som er interessert kan gå inn på Herøyspelet si nettside for nærare informasjon.

Meir å lese på Vikebladet Vestposten:
 
Blir lest no
 

Eigedomstransaksjonar

Desse vart selde i februar

Herøy trekk opp snittet på ytre Søre.

Her er dei dyraste eigedomane i 2016

Nedgang i talet på eigedomar som gjekk for meir enn 4 millionar kroner frå 2015 til 2016.

Sjå kvar det er flest fritidseigedomar

I løpet av dei fem siste åra har 365 fritidseigedomar skifta eigar.

Lagar felles kystsoneplan

Fem kommunar har gått saman.

Roar Brekke på Sans Pub:

Latterbrøl i vente

I morgon, laurdag showar standupkomikaren Roar Brekke på Sans, Hareid.

Døypte den første Maersk-båten

Peter Jacobsen i Maersk rosa det gode samarbeidet som er mellom Kleven og Maersk.

Kan ikkje kjøpe, men leige

Ulstein kommune kan likevel ikkje kjøpe parkeringsplassar i parkeringsanlegg av Rome AS.

Badr Rahhaoui er klar for Hødd

19-åringen har signert for dei blåkvite.

Offshore er ikkje lenger størst

Tradisjonell shipping er no større enn offshore. Det viser tal frå Rederiforbundet sin årvisse konjunkturrapport.

Nærmar seg Hødd

Angripar kan bli klar innan kort tid, og kanskje er fleire aktuelle til laurdagens treningskamp mot Førde.

Markert nedgang i februar

I februar fekk Nav varsel om 1.450 moglege oppseiingar og permitteringar. Det er det lågaste talet sidan desember 2014.

Sogndal filmfestival:

«The Letter» vann fire prisar

Heile fire prisar kunne regissør Simon Gjerde Tonev og dei andre aktørane som har laga filmen «The Letter» ta med seg heim frå Sogndal.

Kort innhopp i 3-0 siger

G17-landslaget tok eit langt steg mot EM-sluttspel.