Det skriv Nett.no.

Selskapet stammar frå det som i si tid heitte Voldens Brandsikringsforening, som blei skipa i 1866. Dagens selskap, Møretrygd, har satsa kraftig i regionen vår dei siste åra, og set no endå fleire hårete mål for framtida. Forsikringsselskapet ønskjer å bli tre gonger så stort - minst.

- Det langsiktige målet er å ta 10 prosent av forsikringsmarknaden på Nordvestlandet, seier administrerande direktør Bjørn Harald Bakke i Møretrygd til næringslivsportalen Nett.no.

Selskapet sitt mål er å kome opp i 400 til 500 millionar kroner i årlege premieinntekter for land- og sjøforsikring til saman, innan 2030. Av dette skal om lag 300 millionar kroner kome frå landsida.

Møretrygd har per i dag årlege premieinntekter på 150 millionar kroner, der 64 millionar kroner kjem frå landsida, skriv Nett.no.

Onsdag opna Møretrygd nytt kontorlokale i Volda.