Tredje brønnbåt med Havyard 587 design frå Havyard Leirvik som skal utstyrast med gir og propellanlegg med kontrollsystem frå Scana Propulsion i Volda er under produksjon. Framdriftssystemet skal leverast til Havyard Leirvik i november 2016 medan skipet skal overleverast til Norsk Fisketransport AS i april neste år.Samstundes er femte brønnbåt med propellanlegg og kontrollsystem frå Scana Propulsion under produksjon ved Aas Mekaniske i Vestnes. Også her skal framdriftssystemet leverast i november 2016. Denne brønnbåten skal ha AAS 3602ST design på skroget, ogvert overlevert frå Aas Mekaniske til til Nova Sea AS i juni 2017.
Dette kjem fram i ei pressemelding frå Scana Propulsion.
- I den stramme marknaden for skipsbygging generelt, er dette ei stadfesting på vår kompetanse og konkurranseevne, seier dagleg leiar Hallvard Pettersen i Scana Volda.