Det var Finansavisen som først skreiv om milliardtapet blant offshore-reiarlaga, og sjølv om familien som eig Solstad Offshore har tapt desidert mest (1,7 milliardar kroner), er også to reiarlag frå Søre Sunnmøre med blant dei seks. Det er ingen tvil om at det er tøffe tider på bøljan blå.
Tap også for Havila og Rem
Nummer to på tapslista er den Ålesund-baserte Farstad-familien og Farstad Shipping, som har sunke med 1,62 milliardar kroner i verdi. Møgster-familien har tapt 1,20 milliardar kroner gjennom sitt reiarlag DOF medan Eidesvik Offshore går 400 millionar kroner i minus.
Sævik-familien har mista verdiar i sitt reiarlag Havila Shipping på i alt 378 millionar kroner. Åge Remøy sitt Rem Offshore har gått ned med 240 millionar kroner i verdi.