NHO-president Tore Ulstein må kutte på heimebane. Saman med direktør Kristin Skogen Lund krev han at politikarane losar Noreg gjennom den økonomiske krisa.
Ulstein er styreleiar og visedirektør i verfts- og industrikonsernet med same namn. Der har 60 personar nyleg mista jobben, 50 er permitterte og ytterlegare 40 har fått permisjonsvarsel, skriv Dagbladet.
No stiller han og NHO-direktør Kristin Skogen Lund krav til politikarane for å hjelpe dei som blir ramma av krisa. Dei ønskjer seg blant anna kutt i formue- og selskapsskatten. I tillegg vil dei ha fleire studie- og lærlingplassar og at folk som misser jobben kjem raskare over i nytt arbeid. Dei ber også om auka investeringar for å vri forsking og utvikling over på område som kan bli lønsame i framtida og at det offentlege er forsiktige med pengebruken, men fortset å bruke på infrastruktur.
Statsminister Erna Solberg (H) lovar skattekutt, men kuttar ikkje i selskapsskatten med lett hjarte.
– Det er ingen av oss som ønskjer denne typen skattelette, for selskap som går godt, bør bidra og betale skatt, understrekar Solberg. Internasjonal konkurranse gjer at ho meiner det likevel er nødvendig, fordi landa rundt oss set ned selskapsskatten