Etter «tjuvstarten» i går er det song og nedlegging av blomar ved Johan H. Grimstad-bautaen på Loket i ettermiddag – og deretter offisiell stemneopning i Galleriet i Kjøpmannsgata (vegg-i-vegg med bedehuset) i samband med Klare Susanne Grimstad Angelskår si utstilling der.
Frid&Glede og Gullj&Gråstein i kveld
Hareidhallen har sitt første arrangement laurdagskvelden når Gollj & Gråstein slår seg i lag med Frid & Glede. Kveldens overrasking blir gjesteartist Paul Sandanger, som skal synge den legendariske «Bonde i frå Hareid».
Glakonsert søndag
Søndag er hallen arena for Hjørungavåg Brass sin «Gla’konsert» der 80-talsmusikk står på programmet. Trygve Sætre og Stine Nilsen er solistar – og Ørjan Liavåg og William Støylen konferansierar.
Hareid skulekorps tysdag
Neste hallykt blir tysdag 13. oktober når Hareid skulekorps markerer 50-årsjubileet sitt der i lag med tryllekunstnaren og moromannen Haakon Esplo.
Musikk- og kulturskulen onsdag
Onsdag 14. oktober inntek Hareid musikk- og kulturskule hallen med eit «rock’n roll»-show – og torsdag 15. oktober har hallen unik gjesting frå England i form av verdskjende The King’s Singers.
Stemnefest neste laurdag
Den store stemnefesten laurdag 17. oktober med Harald Grytten som hovudtalar, ei rekke korinnslag, innslag frå Dimnarevyen o.s.v. blir siste innslag før hallen atter blir demontert og gjort klar til idrettsaktivitetar.
Mykje anna
Hareidsstemna blir avslutta med Bigset Blandakors «Akk, mon min vei» i Hareid kyrkje søndag kveld 18. oktober. Men før det har det vore «Fantekunst»-opning på Trudvang søndag 11. oktober, «Lyrikktime» i Vonheim måndag, «Balljegòve» på Holesanden tysdag, programtime på Hadartun med Grimstadkoret fredag (og ungdomskveld i Bigset kulturoase same dag).AT det er gudsteneste i kyrkja begge søndagane, at landevegsløpet «Snipsøyrvatnet Rundt» går laurdag 17/10, og at det er ridearrangement i Hjørungavåg og middagsservering på Ishavsmuseet den siste søndagen, så er det meste nemnt.