Han klarte ikkje å få tak i "Juvel", men no varslar Stig Remøy og Rimfrost at dei planlegg bygging av eit nytt krillfartøy.
Stig Remøy seier til Vestlandsnytt at dei kjem til å teikne kontrakt på eit nybygg i 2017.
Rimfrost gjekk torsdag ut med planane for ei nysatsing på fartøysida. Det skjedde etter at det vart kjent at Aker Biomarines har fått tilslaget på å kjøpe den konkursråka krillbåten "Juvel".
- Vi opplever aukande global etterspurnad etter krillolje til humant konsum, seier han vidare til Vestlandsnytt.
Etter nokre krevjande år for heile den globale krillindustrien er det no ei betring i sikte, slår Stig Remøy fast.