Ulstein Arena har vore den store investeringssaka i 2016, heiter det i årsmeldinga. Dagleg leiar i selskapet, Rune Urke, listar opp desse utfordringane:
-Delar av tomta har hatt dårleg fjell
-Problem med å tilpasse glasfasadane i symjehallen
-Manglande samarbeid og koordinering har ført til forseinkingar i byggeprosessen.
-Entreprenørar og konsulentar har skulda på kvarandre
-Hammerø og Storvik AS har hatt ansvar for byggeleiing og har hatt ein stri tørn med å koordinere og svare på avviksmeldingar frå entreprenørar
-Timeforbruket til arkitektar og byggekonsulentar har vore langt høgare enn det dei sjølv har estimert
Formannskapet
I dag, måndag, står årsmeldinga frå Ulstein Eigedomsselskap på saklista når formannskapet i Ulstein møtest.
Som sistesak skal politikarane også behandle sak som gjeld auka ramme, eller meir pengar, til Ulstein Arena.
Den saka ønskjer administrasjonen i kommunen å stenge for innsyn.