Politiet i Møre og Romsdal meldte torsdag om ei trafikkulukke rundt ein kilometer aust for Sulesund ferjekai. Éin person blei skadd som følgje av samanstøyten mellom ein personbil og ein lastebil. Vedkomande fekk glasbitar i ansiktet, fortel politiet til Sunnmørsposten.
– Personen som har fått glas i ansiktet er tatt med til sjukehuset for ein kontroll, fortel operasjonsleiar Tor-André Gram Franck til smp.no.
Årsaken til ulukka skal ifølgje politiet ha vore at personbilen kom bort i ein lastebil med brei last.
Bilen fekk store skadar på venstre side som følgje av samanstøyten.