Ny medlem i Sunnmøre friluftsråd

Ulstein vart ønskja velkomen som ny medlemskommune i Sunnmøre friluftsråd på årsmøtet onsdag kveld.

Her ser ein delar av styret i Sunnmøre friluftsråd. Frå venstre ser ein Birger Honningsvåg (Giske), Janet Roelofs (Ørskog), Jostein Dalen (Stranda), Solveig Linge Stakkestad (Norddal), Tollak Mikal Kaldheim (Volda), Karen Høydal (Ørsta), Knut Erik Engh (Ulstein), Modolf Hareide (Skodje) og Vebjørn Krogsæter (Haram). Dei som ikkje var til stades var Eva Hove (Stordal), Trygve Holm (Sula), Skafti Helgason (Vestnes) og Jarle Hauge Steffenssen (Ålesund). Foto: Sunnmøre friluftsråd.

Med stor applaus vart Ulstein, Volda og Ørsta ønska hjarteleg velkomne som nye medlemskommunar i Sunnmøre friluftsråd på årsmøtet onsdag kveld. Det skriv friluftsrådet i ei pressemelding.

Med dette blir turkassetrimmen Stikk UT! arrangert i 13 av dei 18 kommunane på Sunnmøre frå sesongstart 1. mai.

Sunnmøre friluftsråd har som mål å samle alle kommunane i regionen i fellesskapen. Det er no berre fem kommunar som står utanfor.

Styret i friluftsrådet består av eitt medlem frå kvar av medlemskommunane. Alle dei tre nye medlemmane har valt sine representantar. Ordførar Knut Erik Engh er nytt styremedlem frå Ulstein.