Ein laks må vel seiast å ha hatt maksimum uflaks denne veka. Fisken har etter alt å dømme gjort eit kjempehopp og landa rett opp i båten til hobbyfiskar Laurits Farstad i Haddal.
Då Farstad kom for å ause robåten sin mellom regnelingane tysdag denne veka, fekk han seg ei overrasking. Ombord i båten fann han ein levande laks.
- Laksen vog to kilo, fortel Farstad.
Den uheldige laksen hamnar på middagsbordet.