- Søket etter Rocky er no avslutta. Han blei funnen i Kaldholelva, fortel hundeeigar Gry Gjerde.
Det var søndag ettermiddag at staffordshire bullterrieren Rocky fall i elva ved Kaldholdemninga. Hunden vart teken av vassmassane og ført nedover den flaumstore elva.
Dei siste dagane har mange vore i sving for å hjelpe til å leite etter hunden. Engasjementet har vore stort og det har vore brukt både undervasskamera og droner i leitearbeidet.
Gry Gjerde og familien hennar vil takke alle som har bidratt med hjelp, gode ord, tankar og klemmar.