Det vert ingen særlege endringar i toppen på Møre og Romsdal Venstre si valliste for Fylkestingsvalet neste haust. Nominasjonsnemnda i Møre og Romsdal Venstre har foreslått Gunn Berit Gjerde frå Hareid på førsteplass og deretter Iver Nordseth frå Smøla og Frøydis Austigard frå Molde på høvesvis andre og tredje plass på vallista.
Møre og Romsdal Venstre har satsa på denne trioen også ved fylkesvallista i 2011, 2007 og 2003.
Først på fjerdeplass på lista for Fylkestingsvalet neste år finn vi eit nytt namn, 23 år gamle Steffen Falkevik frå Ålesund. Pål Grødal frå Ulstein finn vi på 11. plass, medan hareidskvinna Ann Helen Grimstad Worren er foreslått på 19. plass. Eldar Knotten, Ulstein, er på 29. plass.
Venstre har i dag fire representantar på Fylkestinget.