Hareid kommune og Hareid Frivilligsentral har bestemt seg for å markere starten på Friluftsåret 2015 ved at speidarane arrangerer ei overnatting i friluft – der ordførar deltek.
Dette skal skje i midten av januar.
11 representantar frå ulike lag og organisasjonar i kommunen møtte til eit orienterings- og planleggingsmøte på Hareid rådhus 18. november.
I møtet kom det fleire innspel om kva slags tiltak ein bør gjennomføre. Ei nærare konkretisering skal vere innmeldt til kulturkontoret i desse dagar (innmeldingsfrist 15. desember).
Over nyttår blir det kalla inn til eit nytt møte der hovudtema blir eventuell utforming av ein lokal brosjyre for friluftsåret – og eventuelt nye tiltak.
Nokre av momenta som kom fram i drøftinga på dette første møtet, var:
- Fokus på dei som ikkje trenar så mykje.
- Familiedagar i friluft.
- Trillegruppe via helsestasjonen.
- Få med våre nye landsmenn; innvandrarar og arbeidsinnvandrarar.