12 personar har søkt på 50-prosentstillinga som folkehelsekoordinator i Hareid: Eva Andreassen Lynge (52) barnevernskurator Sande - Hege-Anett Eikrem (30) fysioterapeut Hareid - Ann Kristin Eikrem (24) personleg assistent Hareid - Emilia Nica (37) assistent Hareid - Monica Torvik (26) tilkallingsvikar Herøy - Bjørg Vartdal Hareide (56) kyrkjeverje Hareid - Pål Nordvik (24) tilkallingsvikar Ålesund - NN (33) Ulstein - NN (36) Ulstein - Espen Ervik (38) fagkonsulent Ålesund - Aase Kristine Bolstad (35) leiar Frisklivssentral Skodje - Hilde Worum (26) student Haugesund.
Slitsamt
Bjørg Vartdal Hareide er i dag kyrkjeverje i Hareid i 70 prosent stilling. I rådmannen sitt forslag til budsjett skal stillinga frå neste år opp til 80 prosent. Endeleg vedtak blir gjort torsdag.
Men Bjørg Vartdal Hareide har altså i dag onsdag sagt opp stillinga som kyrkjeverje.
- Eg har alt fått meg ei 50-prosent stilling som koordinator retta mot Introduksjonsprogrammet for flyktningar. Og då hadde det passa godt å fått ei 50 prosent stilling som folkehelsekoordinator i tillegg, seier ho til vikebladet.no
Vartdal Hareide har vore kyrkjeverje i Hareid sidan 1. juni 2011. På spørsmålet kvifor ho ikkje lenger ønskjer å vere kyrkjeverje, svarer ho slik:
- Kyrkjeverjestillinga er i praksis ei 100 prosent stilling, og i lengda har eg kjent det slitsamt å føle på at eg ikkje gjer ein god nok jobb med dei 70 prosentane eg har fått tildelt.