Onsdag 2. september er det duka for politisk paneldebatt med listetoppane framfor kommunevalet. Det er Hareid næringsforum som står som arrangør, og dagleg leiar Rakel Dyrhaug opplyser at alle parti, med unntak av De kristne, stiller opp. Debatten blir på Melshorn Hotell, med Arnfinn Ingjerd som debattleiar.
Næringslivet
– Næringslivet i Hareid er spesielt interesserte i å høyre kva vyar og visjonar partitoppane i Hareid har for å utvikle næringskommunen Hareid vidare. Vi har fleire bedrifter som har ein fot lokalt og ein anna internasjonalt, og vi har bedrifter som ønskjer å utvikle seg i Hareid, seier Dyrhaug.
Publikum er velkomne både for å høyre på debatten, og til å stille spørsmål. Også om anna enn næringsliv.