Oskar Myrene Skeide likar seg godt på sjøen og er ofte ute for å setje teiner. Spesielt no i haustferien reiser han gjerne ut kvar dag.
- Eg fiskar vanlegvis etter torsk, krabbe og vanlege fiskar, seier Oskar.
Tidleg i veka fekk han seg likevel ei overrasking då han drog opp ei havteine, for der hadde det snike seg inn ein stor havål.
- Det er det største eg nokon gong har fått, slår han fast.
- Kva gjorde du med havålen?
- Den vart selt til ein her i Ulsteinvik. Eg visste ikkje kva eg skulle gjere med den.
Oskar fortel at han også tysdag var ute for å drage teiner, men denne gongen fekk han berre krabbe.