Oppteljinga frå personlaleiar i Ulstein kommune, Kari Riise, viser at det har meldt seg 35 søkjarar til jobben som badevakt, medan 53 søkjarar vil ha jobb som servicevert.
I utlysinga heitte det at det er behov for rundt åtte stillingar som badevakter på Ulstein Arena. "Badevaktene må kunne grunnleggande livredning og førstehjelp", stod det i teksta.
Endå større rift er det om dei tre stillingane som servicevertar på anlegget. Hovudoppgåva deira vert sal av billettar og kioskvarer, og Ulstein kommune søkte etter serviceinnstilte og omgjengelege personar.
PPT-kontoret
Det har vore stor interesse også for stilingane ved PPT-kontoret i Ulsteinvik, som skal dekke Hareid, Ulstein, Ørsta og Volda. Kari Riise fortel at det kom 51 søkjarar til den eine stillinga som administrativ konsulent. Kommunen held på med tilsetting i stillinga.
Dei ti utlyste rådgjevarstillingane ved PPT gav 59 søkjarar. Der er jobbtilboda på veg ut, fortel Riise.