Denne helga har Karsten Warholm vore i aksjon under Florø Indoor Games, der han mellom anna kjempa med Norges beste mannlege sprinter, Jaysuma Ndure.
Som venta var det "Jays" som vann både på 60 og 100 meter under elitestemnet i Florø, men også Karsten Warholm fekk verkeleg opp farta.
Ndure brukte 6,76 på å tilbakkelegge 60 meter, og Warholm kom i mål seks hundredelar bak på 6,83. I forsøket var Karsten Warholm raskare enn "Jays", og Warholm sette ny personleg rekord med 6,81.
Også på hundremeteren var det mindre enn eitt tidel som skilte dei to. Ndure fekk tida 10,49, medan Karsten leverte 10,58. Kun tre hundredelar bak Warholm sin personlege rekord utandørs.