Hødd sitt G19-lag spelte laurdag kveld sin første gruppespelskamp under Skaw Cup i Danmark. Første motstandar var Levanger, eit lag Hødd også møtte i den regionale G19-serien i 2016.
To Hødd-lag til Skaw Cup
Håkon Botn Brautaset gav Hødd leiinga, og stillinga var 1-0 til pause. Eirik Franke Saunes hadde målgjevande pasning på målet til Brautaset, og i den andre omgangen var rollene bytta om. Då var det Brautaset som spelte fram Franke Saunes, som kunne sette inn 2-0. Det blei også sluttresultatet.
Hødd starta med dette laget: Sivert Pieroth - William Fjørtoft, Petter Haddal Worren, Aleksander Rekdal, Johannes Sundgot - Elias Flø, Eirik Franke Saunes, Sveinung Sæterås - Håkon Botn Brautaset, Isak Haanes, Bam Hide.
Innbyttarar: Gustav Dimmen, Daniel Haanes, Sander Djupvik, Iver Roald.
For G19-laget til Hødd er neste kamp måndag, men sundag skal G16-laget i aksjon.