Norges Friidrettsforbund har måndag offentleggjort sitt uttak til friidretts-VM i London 4. til 13. august.
Friidrettsforbundet har tatt ut 12 utøvarar i troppen til VM, men skriv på sine nettsider at den kan utvidast dersom det kjem invitasjonar frå IAAF.
Karsten Warholm frå Dimna IL er tatt ut til å representere Norge på 400 meter hekk. Han har i utgangspunktet også klart kravet på 400 meter. Under U23-EM i Bydgoszcz prøvde Warholm seg på dobbelen, med både 400 meter og 400 meter hekk. Det enda med sølv og gull til stortalentet, men eit liknande program under senior-VM vil truleg bli for hardt.
Warholm er per dags dato den sjette raskaste mannen i verda på 400 meter hekk så langt i år. Raskast er Kyron McMasters frå dei Dei britiske Jomfruøyene med tida 47,80. Warholm sin norske rekord er på 48,25.
Flyttar NM-øvingar for Karsten
Heile troppen:
Jonathan Quarcoo, FIK Orion – 200 meterKarsten Warholm, Dimna IL – 400 meter hekkFilip Ingebrigtsen, Sandnes IL – 1500 meterJakob Ingebrigtsen, Sandnes IL – 3000 meter hinderSondre Nordstad Moen, SK Vidar – 5000 meterMartin Roe, IL FRI – 10-kampHåvard Haukenes, IL Norna-Salhus – 50 km kappgang
Isabelle Pedersen, IL i BUL – 100 meter hekkAmalie Iuel, IL Tyrving – 400 meter og 400 meter hekkHedda Hynne, Strindheim IL – 800 meterKaroline Bjerkeli Grøvdal, IK Tjalve – 1500 meter og 5000 meterSigrid Borge, Osterøy IL – spyd
Fantastiske Karsten!
For Warholm sin del er det forsøk på 400 meter hekk sundag 6. august. Semifinalane går måndag 7. august, medan ei eventuell finale vil gå onsdag 9. august.