29-åringen Andreas Skylstad, som representerer Norangdal IL, sprang i mål på toppen av Melshorn på tida 23.56. Same mann blei nummer tre under årets Saudehornet rett opp i Ørsta, med tida 57.50.

Den tidlegare rekorden var det Håvard Myklebust frå Volda som hadde (25.23). At rekorden skulle falle ein gong hadde nok fleire rekna med, men den tidlegare OL-deltakaren frå Hjørungavåg, Trine Pilskog, fortel at ein ikkje hadde kunne sett føre seg at rekorden skulle bli knust så enormt som den blei av Skylstad.

- Eg har aldri høyrt om nokon som har kome seg opp denne løypa på ei slik tid, heller ikkje blant dei som spring opp på Melshorn til dagleg. Under 24 minutt er heilt vanvitig bra. Eg trur det skal mykje til å slå den tida, seier Pilskog.

50 til start

I år, det tredje løpet sidan starten, var det 26 deltakarar i konkurranseklassen, medan det var 24 i mosjonsklassen. Det var Trine Pilskog og resten av arrangørstaben i Hjørungavåg IL godt nøgde med.

- Så absolutt. Det var fleire enn i fjor, og vi hadde kanskje trudd at det ikkje ville kome så mange i år, då det tok litt tid i dag før det lysna opp. Men, det blei eit flott løp, med mange flinke deltakarar, seier Pilskog.

2-åring vann stor premie

Det var også diverse utloddingar i samband med konkurransen. Familien Sukka var blant dei som var med i mosjonsklassen i årets Melshorn Opp, og den minste av dei, Synnøva Sukka på 2 år, vann seg like godt ei flaggstang! Det fortel Trine Pilskog i arrangørklubben Hjørungavåg IL.

Her er dei komplette resultata i Melshorn Opp 2017:

1. 23.56 min Andreas Skylstad, Norangdal IL (29)

2. 25.36 min Are Uran, Havørn (43)

3. 26.50 min Børge Remøy, Ulstein OSK (38)

4. 29.44 min Helge Tvedt (32)

5. 29.54 min Einar Orten Trovåg, Hareid IL (30)

6. 29.59 min Knut Vikebakk, Torvikbukt IL (33)

7. 31.28 min Svein Stang (35)

8. 32.35 min Trine Pilskog, Hjørungavåg IL (44)

9. 33.03 min Bjørn Brudevoll, Volda IL (37)

10. 33.13 min Bjørn Arve Brune,. Stranda IL (53)

11. 33.16 min Rune Kristiansen, Sula Sykkelklubb (43)

12. 33.27 min Geir Kåre Øvrelid, Hjørungavåg IL (45)

13. 34.20 min May Nesheim, Blindheim IL (42)

14. 34.43 min Svein Eirik Ertesvåg, Hasundgot IL (31)

15. 35.51 min Stian Brandal, Hareid IL (24)

16. 35.54 min Emil Arne Kleppe, Gursken IL (52)

17. 37.37 min Kjell Arne Øvrelid, Hjørungavåg IL (52)

18. 38.35 min Hans Jostein Røyset, Hareid IL (54)

19. 38.37 min Emma Kristiansen, Sula Handballklubb (14)

20. 39.18 min Dag Snipsøyr, Hareid IL (64)

21. 40.27 min Anders Hutner Pilskog, Hjørungavåg IL (14)

22. 41.22 min Vidar Pilskog, Hjørungavåg IL (32)

23. 43.44 min Kjell M Fagerlund, Hasundgot IL (68)

24. 44.55 min Elisabet Øvrelid, Hjørungavåg IL (46)

25. 46.48 min Lena Hutner, Hjørungavåg IL (53)

26. Leif Helge Skoge , DNF (50)