Dimna IL hadde fire utøvarar i aksjon under Tjalvelekene på Bislett i helga. Tre av dei kunne reise heim med gull.
* Det beste resultatet stod nok Tobias Skvanes Våge for då han tok sigeren i 17-årklassen på 110-meter hekk. Han sette personleg rekord med tida 15.27 (som gir 1003 Tyrving-poeng). Våge toppar den nasjonale statistikken i sin klasse og vil vere gullfavoritt under ungdoms-NM i september.
* Nicolas Roppen Masters gjekk til topps på 200-meteren i 17-årsklassen. Han fekk tida 23.61. I same løp enda Tobias Skvanes Våge på femteplass (24.35).
* Marthe Mjøen Berg testa NM-forma på 100-meter der ho vann seniorklassen (14.27). Berg vann også 200-meteren på tida 25.85.
* Joakim Sundgot Gustavsen sprang 800-meter saman med seniorane. Der fekk han god konkurranse og kom i mål litt bak årsbeste.
Komande helg er det senior-NM i friidrett. Meir om det seinare.