Sirkel(Sag) av Pandreas:
Gå til Urørt for å finne ut mer om låta og artisten
Fleire låtar nederst i artikkelen.
NRK Urørt er i ein nettstad og eit radioprogram som let usignerte norske musikkartistar eksponere musikken sin gratis via internett. Eit utval av artistane vert også spelt på radio.
Ein av desse er Andreas Kleven Rasmussen frå Ulsteinvik. Onsdag vart songen Glimt, som 21-åringen laga på hybelen sin i Bergen, spelt under radiosendinga til Urørt.
Slottsfjell ventar i juli
Ved ei tilfeldigheit melde han seg i same slengen på ein konkurranse om å få spele på Urørt-scena på Slottsfjellfestivalen i Tønsberg i juli.
- Eg las på Twitter at påmeldingsfristen gjekk ut om nokre timar, så relativt tilfeldig melde eg meg på. Deretter gløymde eg eigentleg av heile greia fram til dei ringde meg å sa at eg skulle opptre, seier Kleven Rasmussen sjølv om påmeldinga.
Plukka ut av 400
Men det er ikkje tilfeldig at han vart plukka ut, for med rekordstor påmelding på 400 artistar og band, er han 1 av dei 10 Urørt-artistane som får spele under festivalen.
Og Urørt skriv dette om «Pandreas», som er artistnamnet til Andreas:
«Andreas Kleven Rasmussen ser til helter som Gold Panda, Caribou og The Field når han lager sample-basert stemnings-elektronika – noe han gjør såpass bra at han bør være å se på store klubber i utlandet før året er omme. Først kommer han dog til Slottsfjell for å henføre det vi tror er en festival full av nye fans.»
At han kjem til å spele på store klubbar i løpet av året tek han sjølv smålåtent med ei klype salt.
- Det er vel å overdrive litt, men eg bør kanskje lære meg å vere DJ, kommenterer han.
Den unge musikaren er ikkje heilt utan musikalske røter heller. Han er son av Ståle Rasmussen, som er aktiv i fleire lokale vaksenband i Ulsteinvik.
Sample-basert elektronika?
Korleis starta du med din eigen vesle musikkproduksjon?
- Det starta vel mest som eit forsøk på å lage hiphop beats (rytmar) ved å klippe soulsongar opp og legge på trommer. Etter kvart har det utvikla seg litt vidare med andre inspirasjonskjelder, seier Andreas og nemner Gold Panda og Four Tet som inspirerande artistar.
Kan du forklare korleis du lagar musikken din?
- Kort fortalt så kuttar eg ut små bitar (rundt 1 sekund) av andre songar, legg til effektar på og tuklar litt med desse “bitane”, som blir kalla samples. Så set eg saman alle sample-ane og legg til pc-baserte trommelydar og til slutt lagar eg ei basslinje på synthen min.
- Ein kan vel kanskje seie at eg samplar lydar, meir enn melodiar, legg han til.
Føler du deg klar til å framføre dette live med festivalpublikum då?
- Ja, det vert moro, sjølv om eg framleis er litt usikker på kva eg går til. Eg har allereie byrja å arrangere og mikse songane meir tilpassa ein livesetting, så det skal gå fint.
Blir det som eit one-man-band?
Ja, det kan minne litt om metoden Jarle Bernhoft, som var på Sjøborg i fjor, tek i bruk på scena. Eg brukar ulike looping ved hjelp av ymse anretningar, samanliknar han.
Studere JUS
Men det er ikkje musikar han har sikta seg inn på å bli. Han er nemleg snart ferdig med første året som JUS-student ved Universitetet i Bergen. Ein kan stille seg spørsmålet om korleis han skal kombinere musikksatsinga med eit krevjande studium.
- Det er ikkje så mykje snakk om å prioritere. Eg føler at eg har tid til begge deler, utan at det eine øydelegg eller stel tid frå det andre. Det går førebels heilt fint, avsluttar Rasmussen roleg.
Glimt av Pandreas:
Gå til Urørt for å finne ut mer om låta og artisten
Flygespark av Pandreas:
Gå til Urørt for å finne ut mer om låta og artisten